ЛЕТО 2025 КРФ (ДАСИА)-ВИЛА САВАС

Остров Крф е место што вреди да се истражи. Нашиот тим организира екскурзии за подобро да го запознаете острово а во продолжение следува опис на истите...

Тура на север (Палеокастрица и Сидари)

Целодневен излет со автобус низ северниот дел на островот.Овој ден се посетуваат местата  Палеокастрица и Сидари. Прво место ан застанување е плажата Палеокастрица, овде имаме слободно време за релаксација на плажа, посета на манастирот Марија- Богородица или посета на аквариумот. Од овде се продолжува до највисоката точка над Палеокастрица на местото Лаконес каде што се застанува за да се направат најубави панорамски фотографии и верувајте погледот ќе ве остави без здив. Од овде се оди во  Сидари, град познат по тунелот на љубовта и евтиното пиво. Овде може да го испливате каналот, да се релаксирате на долгата песочна плажа или да седнете на ручек и пијачка.

Глифада

Целодневен излет на песочната плажа Глифада. Ден за сончање, капење и уживање во убавините на природата. Долга, песочна и организирана плажа што ќе ве освои ова лето со својата природна убавина како и преубавиот поглед кој завршува во недоглед, таму некаде на последната линија од хоризонтот. Плажа за сечиј вкус каде што секој ќе може да ужива во преубавите кафулиња, таверни, водени спортови како и во помирниот дел кој што е наменет за апсолутна релаксација.

Крстарење со скара

Целодневно крстарење по североисточниот дел на островот. Се тргнува од Ипсос, се поминуваат местото Барбати каде ако имате среќа ќе видите делфин, Калами, Кулури, Нисаки и се до Kасиопи најсеверната точка на островот.

Се застанува на дива плажа до која нема пристап на друг начин освен со брод, се прави пауза за капење и  ручек подготвен и сервиран од капетанот на бродот. Во ручекот е вклучено: свинска кременадла, колбас, грчка салата, вода, сок, црвено или бело вино. Се застанува уште на една плажа за пливање. Враќање во Ипсос околу 16-17:00h.

Крстарење Паксос и Антипаксос

Овој ден е испланиран за целодневно крстарење до другите два најблиски остриови до Крф, Паксос и Антипаксос. Се тргнува од градот Крф со брод и се крстари на отворено море Првата точка на застанување е Антипаксос (грчкото Малдиви), остров со уникатен бел песок, верувајте ќе ве воодушеви. Овде се застанува за пливање. Од овде се продолжува кон Паксос, кој е населен остров со туристи, пристаниште, прекрасна плажа, но и гратче за мала прошетка или ручек.

Попатно се посетуваат и Сините пештери. Бродот влегува во овие пештери и може да се направат прекрасни фотографии.

Овој ден е испланиран за уживање на отворено море, пливање, сончање и запознавање со два други јонски острови

Цените на екскурзиите ќе бидат објавени пред почетокот на летото.

• CHECK IN:  14:00 h
• CHECK OUT: 09:00 h
• Активните попусти и попустите за споен термин не се комбинираат
• За споен термин се одбива  10% попуст на вториот термин на редовните цени.
• Во четворокреветните мазонети 3 лица плаќаат целосна сума 4 то лице возрасно има 30% попуст од редовната цена,  дете до 11 год. има 50% попуст од редовната цена.
• Двокреветни,трокреветни студија (може да се додаде дополнително легло за трето и четврто лице)
• Фотографиите од сместувачкиот капацитет се од повеќе студиа, а не се селектирани по едно студио.
• Организаторот на патувањето го задржува правото по пат на ultra first и last minute или друг тип на промоција да ги објави и продаде слободните капацитети по цени кои се разликуваат од оние кои се веќе објавени во ценовникот. Лицата кои го уплатиле аранжманот по редовен ценовник, немаат право на надомест на средства за разлика во цена.
• Дете од 0 до 3 години – Бесплатно – спие во кревет со еден од возрасните
• Двајца возрасни со едно дете од 4 до 11 години на дополнително легло за детето се плаќа 50% од редовнта цена + 20 евра за траект.
• Двајца возрасни со две деца  (прво дете до 10,99 год и второ дете до 3,99 год ) се сместуваат во 1/3 студио и децата плаќаат по 50% од редовната цена + 20 евра за траект.
• За сопствен превоз се одбива 20 евра од редовната цена по лице.
• Термините кои се со црвено се промотивни и не се одбива за сопствен превоз.
• За еднкреветна соба се доплаќа 50% од редовната цена за вториот кревет,
• Поаѓањето со автобус е еден ден порано во однос на термините од табелата,
• За оваа програма важат ОПШТИТЕ УСЛОВИ ЗА ПАТУВАЊЕ НА Т.А СТАФ ТРАВЕЛ