РИМ – ИТАЛИЈА – 24ти МАЈ – 3НП (РАСПРОДАДЕНО)

Рим – Срцето на Италија, град на седум рида, најголем и најброен град во Италија… според легендата основан од Ромул и Рем во 753 год. п.н.е. Во современиот живот на градот се преплетуваат историјата и архитектурата, стари повеќе од 3000 год, па затоа овој град е единствен, неповторлив и не личи на ниедна друга метропола во светот… и со право го носи името Вечен Град. Историјата на градот ја создавале императори, папи, цареви и конзули а изгледот му го дале најеминентните архитекти и уметници. Рим ќе Ве опчини со величенствените антички монументи, триумфални порти, раскошни дворци, колоритни плоштади, ренесансни фонтани, романтични фасади, Колосеумот… стариот дел на градот е вистински музеј на отворено. Сите патишта водат кон Рим!

РИМ – ИТАЛИЈА – 24ти МАЈ – 3НП

(авионски)

Посетете го “Вечниот град” за 24ти мај, “Градот на седум брда” или “Престолнината на светот” во Рим, кој всушност е една од најатрактивните и најпосетени европски дестинации. Рим е културно-историски центар на Италија и Европа, а стариот дел на градот е вистински музеј на отворено исполнет со остатоци од древни згради, триумфални капии, плоштади со фонтани, Цркви и Катедрали и познатиот Колосеум кој е најголемиот амфитеатар воопшто изграден во Римското Царство. Не пропуштајте ја посетата на Ватикан, на Колосеумот, Црквата Св. Петар, Шпанските скали, Виа Венето и секако фрлете паричка во фонтаната Ди Треви со желба повторно да дојдете во овој град кој ќе ви остане во незаборавно сеќавање.

 

Термин 25 Мај
25 Мај (Петок) СКОПЈЕ – РИМ
Состанок на групата на аеродром Александар Велики во 12:00 часот.Авионот од Скопје полетува во 13:40 часот со WIZZAIR.Пристигнување во Рим (на аеродромот Чиампино 15:25 по локално време). Организиран . разглед на Рим со локален водич и бус: Катедралата Св.Џовани – Латерано, црквата на Пресвета Богородица,Плоштадот Де ла република,Виа Национале,Пјаца Барберини,Виа Венето,замокот Св.Ангело, Вила Боргезе, плоштадот Венеција, Римскиот Форум, Колосеумот, Шпанските скали (најпознатата улица на светските модни креатори каде засенуваат со своите модели), Фонтана ди Треви (фонтаната на желбите), Пантеонот (најмонументалниот храм во Рим), прошетка по најпознатата улица Виа Дел Корзо…. Во договореното време по разгледот на градот враќање во хотел. Ноќевање
2 ден 26 Мај (Сабота) РИМ – ВАТИКАН
Појадок. Во договореното време заминување во центарот на градот со метро. Можност за индивидуални прошетки или шопинг во шопинг центар во Рим. Во договореното време средба со локалниот водич и заминување за Ватикан, посета на Ватикан и Ватиканските музеи, Катедралата Св.Петар,Сикстинската Капела, разглед на делата од Микеланџело, Рафаело… Враќање во хотел. Ноќевање.
3 ден 27 Мај (Недела) РИМ-ТИВОЛИ
Појадок. После појадокот предлагаме прекрасен излет до Тиволи (со локален водич). Посета на неверојатната градина со стотици фонтани и познатата вила Д`Есте (градена во импозантен барок стил), која воедно претставува една од најубавите градини во светот. Летниковецот од оваа вила е користен уште од антички период. Вилата е под заштита на светското културно наследство УНЕСКО. Враќање во Рим. Можност за шопинг во центарот на Рим и враќање во хотел со метро во договореното време во попладневните часови. Ноќевање.
4 ден 28 Мај (Понеделник) РИМ – СКОПЈЕ
Појадок. Слободно време за индивидуални активности и прошетки. Организиран трансфер до аеродром Чиампино.Полетување за Скопје во 16:00 часот. Пристигнување во Скопје во 17:35 часот.

НАПОМЕНИ:

  • За реализација на ова патување, потребен е минимум од 45 патници.
  • Плаќањето се врши исклучиво во денарска противвредност по курс 1 евро = 62 денари
  • За резервација на аранжманот потребна е аконтација од 30%, целосна уплата најдоцна 10 дена пред поаѓање
  • Попустите не се комбинираат
  • Агенцијата го задржува правото за отказ на аранжманот најмногу 5 дена пред поаѓање.
  • Патникот има обврска да се јави 24ч. пред патувањето за да потврди  време и место  на поаѓање.

 

 

 

ПОГЛЕДНЕТЕ ГИ И ОСТАНАТИТЕ НАШИ ПОНУДИ ЗА 24-ти МАЈ НА СЛЕДНИОВ ЛИНК