Јерисос е едно од најголемите туристички места на полуостровот Халкидики. Градот во кој живеат повеќе од 3000 жители се наоѓа покрај морето и има долга, песочна плажа која се простира до бесконечност па можете да шетате неколку километри пред да Ви исчезне песокот од под стапалата.На плажата која има Сино Знаме за чистота мноштвото дрвја им прават природна ладовина на туристите, а жедта од сонцето можете да ја угасите во неколкуте барови кои се распослани во линија на морскиот брег. Пред плажата е големо шеталиште со таверни, кафетерии и атракции за најмладите. На крајот од шеталиштето во Јерисос се наоѓа старата Ветерница во која е сместен Музејот на историја, а на самото шеталиште е големиот аквариум.

Краков е град во јужниот дел на Полска. Се наоѓа над реката Висла. Во минатото била престолнина на Полска. Денеска во него живеат околу 750 000 жители. Површината на градот е 326,8км. Краков е административен, културен, образовен, индустриски и туристички центар во регионот. Краков е еден од најважните културни центри на Полска, а и го сметаат за културна престолнина на државата. Во Краков се наоѓаат многу културни институции кои се од посебно значење за цела Полска.

Неос Мармарас, сместен амфитеатрално меѓу борова шума, со особено импресивно лето кога во предвечерјето сонцето се претвара во црвена звезда и потонува во морето. Мармарас е познат и по богатиот ноќен живот,по изобилството спортски активности и шареноликоста на шопинг продавниците,како и по бројните таверни кои чекаат на вас. Во самото место има две плажи-Парадисо, или позната како рајска плажа и Градската плажа, и двете свртени кон запад што им овозможува на туристите да ги впиваат сончевите зраци се до самиот крај на денот. Главната градска плажа неколку пати досега е одликувана со туристичката плакета „Сино Знаме“. Плажата е песочна, пространа и широка, уредена со чадори и лежалки и изобилува со барови и кафетерии. На самиот нејзин крај се наоѓа раскошниот хотелски комплекс Порто Карас. Плажата Парадисо се наоѓа на самиот влез во Неос Мармарас и во последните неколку години станува се популарна меѓу туристите токму заради нејзината едноставна убавина и беспрекорна чистота на морската вода. Освен овие две најпознати плажи, околината изобилува со многу скриени заливи и уредени плажи идеални за пливање, од кои ги издвојуваме плажата Lagomandra и Tripotamos Beach кај кампот Castello.

Дубаи, град на луксузот, раскошот, рај од иднината кој ве чека да го откриете …

После Шангај, Дубаи е град со најбрз развој на светот. Секој ден, во просек се градат 800 нови станови или куќи! Луксузни хотели, долги песочни плажи, шопинг центри, забава и чудата на модерното градежништво привлекуваат илјадници туристи од целиот свет.
Импресивното е што за нешто повеќе од 30 години откако е изграден, овој град го доби сето она што го познава човечкиот ум и што може да се направи со многу пари.
Во пустина и терен без вода – ултра луксузен град со изобилство вода чиј притисок не се намалува дури ниту на највисокиот кат од Burj Al Arab, највисоката зграда на светот.

Рим – Срцето на Италија, град на седум рида, најголем и најброен град во Италија… според легендата основан од Ромул и Рем во 753 год. п.н.е. Во современиот живот на градот се преплетуваат историјата и архитектурата, стари повеќе од 3000 год, па затоа овој град е единствен, неповторлив и не личи на ниедна друга метропола во светот… и со право го носи името Вечен Град. Историјата на градот ја создавале императори, папи, цареви и конзули а изгледот му го дале најеминентните архитекти и уметници. Рим ќе Ве опчини со величенствените антички монументи, триумфални порти, раскошни дворци, колоритни плоштади, ренесансни фонтани, романтични фасади, Колосеумот… стариот дел на градот е вистински музеј на отворено. Сите патишта водат кон Рим!

Париз – главен град на Франција, а воедно претставува и административен, политички, стопански, културен и образовно-научен центар на таа земја. Градот лежи на бреговите на реката Сена во северниот дел на Франција, во регионот Ил де Франс т.е. парискиот регион.
Големината на градското подрачје е ограничено уште во 1860 година и поради тоа Париз е со константен број на население од околу 2.200.000 жители. Меѓутоа во поширокото градско урбано опкружување, живеат над 12 милиони жители и со тоа овој регион е еден од најнаселените региони во Европа, по регионите околу Москва и Лондон.
Париз веќе неколку столетија наназад има значење за економијата, културата, политиката, образованието, уметноста и науката во светот. Во најново време Париз е и седиште на високата мода, модните брендови, како и луксузот и естетиката на живеењето.

Истанбул е единствен град, град кој премостува два континенти, град кој ќе разбуди сосема поинакви чувства во Вас. Не го пропуштајте залезот на сонцето во Истанбул… кога градот се пали како слика, силуетите на џамиите се издигаат над градот, а сонцето и месечината се поздравуваат додека денот се претвора во ноќ… Во тој момент ќе се чувствувате како султан во лулката на цивилизациите. Има многу да се доживее и почуствува во Истанбул. Дали сте подготвени да го истражите овој магичен град и да ја започнете Новата 2020 со нови спомени?!

Боровец (до 1950год. се викал Чам кориjа) e светски рекреативен скијачки центар во планината Рила, ситуиран на надморска височина од 1350 m. Наjвисоката точка на ски-центарот е Jастребец – 2369 m. од каде има излаз кон Мусала, највисокиот врв на Балканот. Тој е најстариот бугарски зимски центар со историја, која датира од 1896 година. Боровец постепено се развива во модерен ски-центар со хотели, ресторани, барови. Располага со многу скијачки патеки и ски-лифтови по падините на Рила планина и обезбедува цела низа на зимски спортови. Овој ресорт два пати беше домаќин на Светски Куп во Алпско Скијање (1981 и 1984), а ски стазата Биатлон е една од најдобрите во светот.

“Северниот Бисер”на Италија како го нарекуваат Милано, со бурна историја и стари градби, денеска е центар на Светската Мода. Се е предодредено на Модата , од Архитектурата до спомениците и начинот на живот. Тука ќе уживате во ремек делото на Готиката во ликот на најголемата Готска Катедрала во Светот, најпознатата Оперска куќа во светот – La Scala, Пасажот на Виктор Емануел со бројни брендирани бутици. А вечерите поминете ги во Опера, Театар или во многубројните клубови.

Зимска приказна!
Grand Hotel Bansko 4* – СПА хотел на годината.

Гранд Хотел Банско е луксузен хотелски комплекс со 5 ѕвездена функционалност кој нуди широк опсег на услуги за Вашиот одмор. Прфесионалниот тим на Гранд Хотел Банско ви гарантира првокласна услуга и релаксирачка атмосфера 24 часа на ден, 7 дена во неделата. Хотелот е изграден и декориран во модерен стил, во согласност со највисоките стандарди и дизајнерските трендови.